يا علي شيل الوسادة غمضت عين النبي

************ ************
قالت الزهرا يبويه وصى حيدر ولصحاب
خل يراعوني يبويه بعد متزور لتراب
ما دري شليجري عليه لو بدر الكم غاب
خا اعليه يهجمون يدخلوا البيت هالجناب
فتح عينه المصطفى ونادى يا حيدر علي


************ ************
هذي الزهرا وديعه ها الله ها الله يا وصي
حامي عنها ودير بالك هذي بضعة ترى مني
واسمع ليها الوصية للوديعة يا علي
ترى هالقوم ينكسوا البيعة ويضيعوا سنتي
الى دارك يدخلون غصب يا حيدر علي


************ ************
يدخل الطاغي عليكم بالبيت ابلا اذن
يلطم الزهرا بيده على العين ويا الاذن
اتلوذ خلف الباب منها والقلب زايد بالحزن
رايده الستر بالباب والرجس قلبه ما حن
اتصيح خلف الباب فضه وين راح حيدر علي


************ ************
يعصر الزهرا عصرة بين الباب ويا لجدار
يسقط الجنين منها وبالصدر ينبت المسمار
اتصيح صيحة على الترايب بيها دارت الاخبار
وانت من بيتك يطلعون امكتفينك يكرار
دايرين اعليك كلهم آه يا حيدر علي


************ ************
يسحبونك الى المسجد والطرق مليانة بالناس
قايدينك ابحمايل سيفك وتصعد انفاس
فاطمة خلفك تنادي خلوا عن حيدر يا ارجاس
خلوا عن ابن عمي لا والله اكشف الراس
ايدها على الضلع وتصيح خلوا عن حيدر علي